Qabul nizomi
Menu Close Menu

Qabul nizomi

  Magistraturaga kirish imtihonlari 2020 yil 3-20 avgust kunlari o‘tkaziladi

   Davlat komissiyasi majlisining 2020 yil 1-son bayoniga muvofiq, istisno tariqasida, koronavirus pandemiyasiga qarshi kurashish chora-tadbirlaridan kelib chiqib, 2020/2021 o‘quv yili uchun magistraturaga kirish imtihonlari 2020 yil 3-20 avgust kunlari o‘tkaziladi.

   Eslatib o‘tamiz, joriy yilda magistratura mutaxassisliklariga o‘qishga kirish uchun hujjatlarni topshirish jarayoni Oliy va o‘rta maxsus ta’lim vazirligining rasmiy veb-sayti orqali amalga oshiriladi.

  O‘zbekiston Respublikasi Prezidentining 2019 yil 17 iyundagi «2019-2020 – o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyutrmasi parametrlari» to‘g‘risidagi PQ-4359 – sonli qarori.

  O‘zbekiston Respublikasi Prezidentining 2019 yil 14 maydagi «Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida» gi PQ-4319-son qarori.

  O‘zbekiston Respublikasi Vazirlar mahkamasining «Oliy ta’lim muassasalariga o‘qishga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida» 2017 yil 20 iyundagi 393-son qaroriga o‘zgartirish va qo‘shimchalar kiritish to‘g‘risida №360 27.04.2019 qarori.

  O‘zbekiston Respublikasi Vazirlar Mahkamasining 2018 yil 2 iyundagi «O‘zbekiston Respublikasi Oliy ta’lim muassasalariga nogironligi bo‘lgan shaxslarni qo‘shimcha davlat granti kvotalari asosida o‘qishga qabul qilish tartibi to‘g‘risidagi nizomni tasdiqlash haqida»gi 417-sonli qarori.

  O‘zbekiston Respublikasi Prezidentining 2018 yil 14 maydagi «O‘zbekiston Respublikasi Qurolli Kuchlari harbiylari va ularning oila a’zolarini ijtimoiy qo‘llab-quvvatlashga oid qo‘shimcha chora-tadbirlar to‘g‘risida»gi 3726-sonli qarori.

  O‘zbekiston Respublikasi Vazirlar Maxkamasining 2018 yil 3 apreldagi «Oliy ta’lim muassasalariga o‘qishga qabul qilish tartibini yanada takomillashtirish to‘g‘risida»gi 261-sonli qarori.

  O‘zbekiston Respublikasi Prezidentining «Respublika oliy ta’lim muassasalari bakalavriatiga kirish test sinovlarini o‘tkazish tartibini takomillashtirish to‘g‘risida»gi 2017 yil 16 noyabrdagi PQ-3389-sonli qarori.

  O‘zbekiston Respublikasi Vazirlar Mahkamasining 2017 yil 20 iyundagi “ Oliy ta’lim muassasalariga o‘qishga qabul qilish, talabalarni o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida”gi 393-son qarori.

Belgilansinki: 1. Barcha bakalavriat ta’lim yo‘nalishlari bitiruvchilari 2020/2021 o‘quv yili uchun magistraturaga qabul bo‘yicha turdosh oliy ta’lim yo‘nalishlarining ro‘yxatiga kiritilmagan bakalavriat ta’lim yo‘nalishlari negizidagi mutaxassisliklar, shuningdek, “CHaqiriqqacha harbiy ta’lim”, “Xoreografiya (turlari bo‘yicha)”, “Dirijyorlik (turlari bo‘yicha)”, “Rejissyorlik (turlari bo‘yicha)”, “Aktyorlik san’ati (turlari bo‘yicha)” “Veterinariya” ta’lim yo‘nalishlari negizidagi mutaxassisliklardan tashqari istalgan magistratura mutaxassisliklari bo‘yicha tanlovda qatnashish huquqiga ega. Magistratura mutaxassisligiga mos bakalavriat ta’lim yo‘nalishlarini bitirgan bakalavrlardan tashqari, boshqa bakalavriat ta’lim yo‘nalishlari bitiruvchilari davlat grantlari asosida belgilangan maqsadli qabul parametrlari mavjud magistratura mutaxassisliklarida tanlovda qatnasha olmaydilar. 2. Magistratura mutaxassisliklari bo‘yicha tanlovda ishtirok etishga talabgor bitiruvchilar tamomlagan bakalavriat ta’lim yo‘nalishlarining shifri va nomi amaldagi “Oliy ta’lim yo‘nalishi va mutaxassisligi klassifikatori”ga muvofiqlashtirilib, inobatga olinadi. 3. Sog‘liqni saqlash vazirligi tizimidagi tibbiyot oliy ta’lim muassasalari magistratura mutaxassisliklari va ularga muvofiq keluvchi bakalavriat ta’lim yo‘nalishlari ro‘yxati ilova etiladi (6-guruhda). 4. Mahalliy oliy ta’lim muassasalari bitiruvchilari uchun belgilangan tartib respublikada o‘rnatilgan tartibda tashkil etilgan xorijiy davlatlar oliy ta’lim muassasalari yoki filiallari, shuningdek xorijiy oliy ta’lim muassasalari bitiruvchilari uchun ham tegishli hisoblanadi. 5. Oliy harbiy ta’lim muassasalari bitiruvchilarining tamomlagan ta’lim yo‘nalishiga mos mutaxassisliklar tegishli oliy ta’lim muassasasining yozma murojaatiga ko‘ra Oliy va o‘rta maxsus ta’lim vazirligi tomonidan belgilanadi.