2-son bolаlаr хirurgiyasi кafedrasi
Menu Close Menu

2-son bolаlаr хirurgiyasi кafedrasi

Axmedov Yusuf Maxmudovich

2-son Bolalar xirurgiyasi kafedrasi mudiri, professor


Qabul vaqti: Dushanba – Shanba
Tel: +998 97 923 33 00
E-mail: jusufa@rambler.ru
Manzil:

Samarqand shahri, G’. Jamshid ko’chasi 21-A uy.


Kafedra a’zolari ro’yxati


F.I.SH

Lavozimi

Axmedov Yusuf Maxmudovich

T.f.d., professor, kafedra mudiri

Axmedjanov Ismoil Axmedjanovich

T.f.d., professor

Azizov Mamatqul Qurbonovich

T.f.d., professor

Mavlyanov SHavkat Xujamkulovich

T.f.n. dotsent

Mavlyanov Farxod SHavkatovich

T.f.d. dotsent

Ulugmuratov Azim Abruevich

T.f.n. assistent

Kurbonov Djafar Djurakulovich

T.f.n. assistent

Xayitov Ulugbek Xujakulovich

Assistent


KAFEDRA TARIXI


  Bolalar xirurgiyasi kursi 1966 yilda SamMI fakul'tet xirurgiyasi kafedrasi qoshida rektor M.N.Xaitov, prorektor professor O'.K.Vaxobova, pediatriya fakul'teti dekani professor N.M.Kamolov, O'zbekistonda xizmat ko'rsatgan fan arbobi, professor F.M.Golub va professsor M.A.Axmedovlar tashabbusi bilan tashkil etildi. SamMI 1-chi klinika shifoxona bazasida 30 o'rinli bolalar xirurgiya bo'limi ochildi. Kurs boshlig'i qilib dots. M.A.Axmedov saylandi va assistentlikka M.G.Asadulina, I.P. Proxorova va U.U.Umarovlar qabul qilindi.

Professor M.A.Axmedov (1926-2010 y.)

  1970 yilga kelib kurs kafedraga aylantirildi va kafedraning mudiri lavozimiga prof. M.A.Axmedov saylandi. Professor M.A.Axmedov O'zbekiston Respublikasida xizmat ko'rsatgan Fan arbobi, O'zbekiston Respublikasida xizmat ko'rsatgan sog'liqni saqlash xodimi, Rossiya bolalar xirurglari assotsiatsiyasi faxriy a`zosi, 400 dan ortiq ilmiy ishlar, jumladan, 6 ilmiy ishlar to'plami, 18 o'quv va o'quv -uslubiy qo'llanmalar, 12 o'quv-uslubiy maqola, 10 ixtiro, 14 takomillashtirilgan takliflar, 19 publitsistik ishlar muallifi.
  Professor M.A.Axmedovning 30 yillik kafedraga rahbarlik davrida maqsadli aspirantura va doktorantura orqali 10 kishi doktorlik, 19 kishi nomzodlik dissertatsiyalarini himoya qilishdi. SHulardan professor M.A.Axmedovning bevosita rahbarligi ostida 6 doktorlik va 10 nomzodlik dissertatsiyalari himoya qilingan. Hozirgi paytda shulardan 3 tasi kafedrada professor va 4 tasi kafedra mudirlari lavozimlarida ishlab kelmoqdalar.
  1973 yildan kafedrada bolalar xirurgi mutaxassisiligi buyicha klinik ordinaturaga qabul qilish boshlandi.
Professor M.A.Axmedov va kafedra xodimlarining harakatlari bilan Respublikada birinchilardan bo'lib bolalar xirurgik kasalliklarini diagnostikasi va davolashda lazer nurlaridan foydalanish yo'lga qo'yildi, shu sohada kafedrada xodimlari tomonidan 1 ta doktorlik va 2 ta nomzodlik dissertatsiyasi yoqlandi.
  Kafedrada "Talabalar ilmiy to'garagi" faoliyati yaxshi yo'lga quyilgan. Kafedra xodimlari va talabalar muntazam ravishda butunittifoq ilmiy anjumanlarida qatnashib kelganlar va 4 ta oltin, 4 ta kumush, 4 ta bronza va I -II-III darajali diplomlar, faxriy yorliqlar olishga muyassar bo'lganlar.
  Professor M.A.Axmedov kafedrani tashkil qilish, bolalar xirurgiyasiga moslashtirilgan o'quv dasturlarni tuzish va tadbiq etish, ijodiy pedagogik jamoani shakllantirish va jamoada iliq atmosfera muhitini tarbiyalashdagi yutuqlari hamda SHarqona an`analarni mujassamlashtirishdagi xizmatlari bilan kafedra xodimlari, talabalar o'rtasida va institut xodimlari hamda rahbariyati o'rtasida obro' qozondi.
  1990 yil kafedra viloyat ko'p tarmoqli bolalar shifoxonasiga (hozirgi kunda Viloyat bolalar ko`ptarmoqli tibbyot markazi) ko'chirildi va hozirgacha samarali faoliyaт ko'rsatib kelmoqda.
  Hozirgi kunda o'qitish jarayonlarida modul- kredit tizimi masafaviy o'qitish tizimi, yangi pedagogik texnologiyalardan, jumladan interaktiv o'yinlar, elektron darsliklardan keng foydalanilmoqda.
  Kafedra 2005-2013 yillarda Fakul'tet bolalar xirurgiyasi va nurli diagnostikasi kafedrasi nomi bilan yuritilib kelingan. 2013 yilda gospital bolalar xirurgiyasi va fakul'tet bolalar xirurgiyasi kafedrasi qo'shilib bolalar xirurgiyasi kafedrasi nomi bilan faoliyat ko'rsatdi. 2020 yil sentyabr oyidan boshlab kafedra 2-son Bolalar xirurgiyasi kafedrasi deb nomlandi.
  Kafedra Samarqand viloyat bolalar ko'p-tarmoqli tibbiy markazining va RSHTYoIM SF bolalar xirurgiyasi bulimining davolash ishlariga amaliy va nazariy yordam berib kelmoqda, bundan tashqari kafedra xodimlari viloyatimiz tumanilariga otaliq va sanaviatsiya xizmatlariga munosib ishtirok etib kelmoqdalar.
  Kafedra Moskva, Sankt-Peterburg, Donetsk, Alma-ata, Toshkent, Andijon tibbiyot oliygohlari bilan samarali ilmiy aloqada. Kafedra tashkil qilindan buyon 12 kishi doktorlik va 26 kishi nomzodlik dissertatsiyalarini himoya qilishgan. SHulardan maqsadli doktorantura va aspirantura orqali 10 nomzodlik va 4 doktorlik dissertatsiyalari himoya qilingan.
  Hozirgi kunda kafedrada faoliyat ko'rsatayotgan xodimlar: prof. I.A. Axmedjanov, prof. Yu.M.Axmedov, prof. M.Q.Azizov, dotsent SH.X.Mavlyanov, dotsent F.SH. Mavlyanov, assistent, t.f.n. A.A. Ulugmuratov, assistent t.f.n. D.D. Qurbonov va assistent U.X. Hayitov.

MA’NAVIY-MA’RIFIY ISHLAR


  Kafedrada ma`naviyat ishlari kafedraning ma`naviyat ishlari buyicha tasdiqlangnan rejasi asosida ish olib borashadi. Kafedrada haftaning har payshanba kuni "Ma`naviyat va ma`rifat soatlari" o`tkaziladi. Kafedrada professor-o`qituvchilari har o`quv yilida pediatriya fakul'tetining 4- va 5- kurs studentlariga murabbiylik ishlarini olib borishadi. Ular o`zlariga berkitilgan guruh studentlari bilan shaharning diqqatga sazovar joylarini va me`moriy obidalariga sayohat uyushtiradilar, studentlarining bo`sh vaqtlarini mazmunli o`tkazishda o`z hissalarini qo`shib kelishadi. Bundan tashqari, kafedra xodimlari Samarqand shahrida o`zlariga berkitilgan mahallalarida tibbiyotning dolzarb muammolariga bag’ishlagan ma`ruzalarni o`qishadi.

O’QUV-USLUBIY ISHLARI


  Kafedrada pediatriya, davolash va kasbiy ta`lim fakul'tetlarining 1 kurs va pediatriya fakul'tetining 4 kurs studentlari va 1 kurs magistr hamda klinik ordinatorlari taxsil olishadi. 1 kurs talabalariga 36 soat amaliy mashqulotga, 22 soat talabalar mustaqil ishiga ajratilgan, 4 kurs talabalariga 170 soat shulardan 88 soat amaliy mashqulotlarga, 18 soat ma'ruzaga, 64 soat talabalar mustaqil ishiga ajratilgan.
TMI uchun dars davomida har bir talaba quyidagilarni bajarishi shart:
1 kurs : navbatchilik -2 ta, referat -2 ta
4 kurs : navbatchilik -2 ta, referat 2 ta, mikrokuratsiya - 3 ta,
makrokuratsiya - 1 ta

  Kafedrada 1000 dan оrtiq ilmiy ishlar nаshr qilingan, shulardan 1 ta tibbiyot oliygohlari talabalari uchun darslik, 600 dan ortiq ilmiy maqolalar, 7 ta to'plam, 56 uslubiy qo'llanma, 14 ta o'quv qo'llanma, 138 ta takomillashgan takliflar, 24 ta ilmiy ixtirolar yaratilgan.

ILMIY TADQIQOT ISHLARI


  Kafedra ilmiy- tadqiqot yunalishi: siydik ajratish, nafas a`zolari va me`da-ichak tizimi a`zolarining nuqsonli rivojlanishlari va kasalliklarining zamonaviy diagnostika va davolash usullari, bolalar kam invaziv xirurgiyasi, qorin bo'shlig'i yiringli kasalliklari, exinokokk kasalligi va h.k.